Familjet mbreterore me te pasura te botes

fb1tw1go1

Ne filmin e vitit te kaluar “Mbreteresha”, film mbi Elizabeten II, shfaqej menyra luksoze e jeteses se mbretereshes dhe keshtjellat e sherbetoret e panumert. Nje bollek per te patur zili, por qe ka konkurrente. Kjo per arsye se Elizabeta II vjen e 11-ta ne listen e familjeve mbreterore me te pasura te botes nga revista “Forbes”. Sidoqofte mbreteresha Elizabeta II mund te ngushellohet me faktin se eshte sundimtarja femer me e pasur e botes dhe nje nder dy femrat qe jane pjese e listes. Ne vend te pare qendron sulltani i Bruneit me 22 miliarde dollare, nje pasuri kjo, 36 here me e madhe se e mbretereshes se Anglise.

Sulltani, i cili e ka trasheguar pasurine nga dinastia 600-vjeçare ka festuar se fundmi 40-vjetorin si sundimtar i vendit te pasur ne nafte. I vetmi monark aziatik qe eshte bere pjese e listes eshte sundimtari me jetegjate ne pushtet, mbreti Bhumibol Adulyadej i Tailandes me pasuri 5 miliarde dollare. Me shume se nje e treta e sundimtareve te listes, sundojne ne territore te pasura me nafte ne Lindjen e Mesme duke perfshire Emirin e Katarit, i cili ka themeluar televizionin e njohur “Al Jazeera”, mbretin e Arabise Saudite, i cili po nderton nje qytet me vlere 26 miliarde dollare ne nder te tij dhe sundimtarin e Dubait, qeveria e te cilit ka blere aksione te bankes “Deutsche Bank”. Me i pasuri i rajonit eshte sheiku Khalifa Bin Zayed Al Nahyan, i cili vjen i dyti ne liste dhe sundon ne emiratin e vogel Abu Dhabi, qe perben dhe nje te dhjeten e rezervave te naftes ne bote. I vetmi beqar i listes eshte princi Albert II i Monakos. I njohur si “playboy”, ai ka trasheguar principaten qe ka pothuajse madhesine e “Central Park” te Nju Jorkut, pas vdekjes te te atit ne vitin 2005. Pasuria e princit Albert II ka qene ne familje prej 700 vitesh. Por kjo s’eshte diçka e pazakonshme per keto lloj dinastish. Princi Hans-Adam II i Lihtenshtainit per shembull, ka nje pasuri prej 4.5 miliarde dollaresh e cila shtrihet ne 900 vite dhe perfshin nje koleksion arti 400-vjeçar, i perbere nga 1600 piktura. Pasuria e perbashket e listes se 15 sundimtareve eshte 95 miliarde dollare. Sidoqofte, duhet pasur parasysh se pasuria e sundimtareve ndahet shpesh here ne familje te medha dhe shpeshhere perfaqeson para qe ato i kontrollojne per llogari te vendit qe drejtojne. Pikerisht kjo eshte arsyeja pse ata nuk mundte kualifikohen ne listen e miliardereve te botes te revistes “Forbes”, pavaresisht te shumes qe ata zoterojne.

1. Sulltan Haji Hassanal Bolkiah
Vendi: Brunei
Pasuria: 22 miliarde dollare
Mosha: 61 vjeç

U be sulltani i 29-te i Bruneit para 40 vitesh duke trasheguar pasurite e nje dinastie 600-vjeçare. Aktualisht eshte kryeminister i vendit te pasur me nafte dhe eshte koleksionist guresh te çmuar.

2. Sheiku Khalifa Bin Zayed Al Nahyan
Vendi: Emiratet e Bashkuara Arabe
Pasuria: 21 miliarde dollare
Mosha: 59 vjeç

Udheheqes trashegimtar i emiratit Abu Dhabi, vendi qe perben nje te dhjeten e rezervave te naftes ne bote. Ai po perpiqet te rikrijoje emiratin si “qender kulturore” te Lindjes se Mesme.

3. Mbreti Abdullah Bin Abdulaziz
Vendi: Arabia Saudite
Pasuria: 19 miliarde dollare
Mosha: 83 vjeç

Mbret qe prej gushtit te vitit 2005. Menjehere pas marrjes se fronit filloi ndertimin e nje qyteti me vlere 26 miliarde dollare ne nder te tij. Ai rrit kuaj arabe. Ka krijuar dy librari ne Arabine Saudite dhe Marok.

4. Sheiku Mohammed Bin Rashid Al Maktoum
Vendi: Dubai
Pasuria: 16 miliarde dollare
Mosha: 57 vjeç

Drejtor ekzekutiv i “Dubai Inc” ai e ndan pasurine me dy vellezerit e tij. Ka blere nje pjese te madhe aksionesh ne banken “Deutsche Bank”. Ka bere publike planet per te dhuruar 10 miliarde dollare per fondacionin e arsimimit te Lindjes se Mesme.

5. Mbreti Bhumibol Adulyadej
Vendi: Tailande
Pasuria: 5 miliarde dollare
Mosha: 79 vjeç

Monarku qe ka mbreteruar me gjate ne bote ka lindur ne SHBA dhe eshte arsimuar ne Zvicer. Pasuria e familjes perfshin investime, prona te paluajtshme. Ai shquhet si ambientalist dhe perdor per makinen vaj palme.

6. Princi Hans-Adam II von und zu Liechtenstein
Vendi: Lihtenshtain
Pasuria: 4.5 miliarde dollare
Mosha: 62 vjeç

Ai drejton vendin qe ka emrin e tij. Familja, pasuria e se ciles daton 900 vite me pare, ka koleksionuar vepra arti per kater shekuj. Familja ka ne pronesi 33 piktura te Rubens, numri me i madh i nje koleksioni privat.

7. Mbreti Mohammed IV
Vendi: Marok
Pasuria: 2 miliarde dollare
Mosha: 44 vjeç

I mbiquajtur “mbreti i te varferve” per perpjekjet qe ka bere per lehtesimin e varferise dhe permiresimin e te drejtave te njeriut. Buxheti i pallatit sidoqofte i kalon 960 mije dollare ne dite, pjesa me e madhe e shpenzuar per veshje dhe riparim makinash.

8. Princi Albert II
Vendi: Monako
Pasuria: 1.2 miliarde dollare
Mosha: 49 vjeç
Nje beqar i perjetshem, ai ka trasheguar principaten e vogel pas vdekjes te te atit ne vitin 2005, si dhe pasurine e perbere nga prona te paluajtshme, koleksione arti dhe aksione ne kazinote e Monte Karlos.

9. Sheiku Hamad Bin Khalifa Al Thani
Vendi: Katar
Pasuria: 1 miliard dollare
Mosha: 55 vjeç

Pasi rrezoi te atin ne nje grusht shteti jo te pergjakshem ne vitin 1995 u be emiri i Katarit. Ai eshte shume i pasionuar pas sporteve dhe ka krijuar traditen e lojerave “Asian Games” ne shtetin e vogel. Ka themeluar televizionin “Al Jazeera”.

10. Princi Karim Al Husseini
Pasuria: 1 miliard dollare
Mosha: 70 vjeç

Ka festuar 50-vjetorin si lider i 15 milione myslimaneve kete vit. Ai eshte nje biznesmen qe drejton konglomerate nga Franca e deri ne Zvicer, si dhe ka ferma te medha kuajsh. Aktualisht po divorcohet me gruan e dyte.

11. Mbreteresha Elizabeta II
Vendi: Mbreteria e Bashkuar
Pasuria: 600 milione dollare
Mosha: 81 vjeç

Mbreteresha e Anglise ka nje program aktivi udhetimesh, duke perfshire nje vizite shteterore kete vit, e katerta qe prej vitit 1957. Ajo ka nje koleksion me vlere pullash dhe eshte pronare e pronave te shumta ne Angli dhe Skoci.

12. Sheiku Sabah Al Sabah
Vendi: Kuvajt
Pasuria: 500 milione dollare
Mosha: 78 vjeç

U be emir ne vitin 2006 pasi princi aktual nuk mundi te merrte fronin per arsye shendetesore pas vdekjes se emirit te meparshem, sheikut Jaber. Menjehere pas zgjedhjes se tij si emir, rriti rrogen e familjes mbreterore.

13. Sulltani Qaboos Bin Said
Vendi: Oman
Pasuria: 500 milione dollare
Mosha: 66 vjeç

Pas gjashte vitesh ne arrest shtepie, ai rrezoi te atin nga pushteti ne vitin 1970. Filloi modernizimin dhe hapjen e vendit ndaj botes se jashtme. Pasuria e tij sot eshte e lidhur ngushte me naften.

14. Mbreteresha Beatrix Wilhelmina Armgard
Vendi: Holande
Pasuria: 300 milione dollare
Mosha: 69 vjeç

Ajo zoteron me shume pushtet se çdo monark ne fuqi i Evropes. Emeron kryeministrin dhe zevendesin e tij, si dhe nenshkruan per kthimin ne ligj te projektligjeve. Pasuria e familjes perfshin prona, investime dhe vepra arti antike.

15. Mbreti Mswati II
Vendi: Suazilend, Afrike e Jugut
Pasuria: 200 milione dollare
Mosha: 39 vjeç

Monarku i fundme absolut i Afrikes ka marre fronin ne moshen 18- vjeçare. Pasuria e tij buron nga investimet dhe pronat e paluajtshme. Tejet doreleshuar, ai se fundmi ka vendosur te ndertoje nga nje pallat per secilen nga 13 grate e tij.